Mae isafbris am alcohol yn cael ei gyflwyno yng Nghymru ar 2 Mawrth 2020

Bydd yn pennu’r pris isaf ar gyfer alcohol, sy’n golygu na ellir gwerthu na chyflenwi alcohol am lai na’r pris hwnnw.

Nod isafbris am alcohol yw lleihau goryfed alcohol a’r niwed sylweddol ac eang mae yfed peryglus a niweidiol yn gallu ei achosi. Alcohol yw un o achosion mwyaf marwolaeth a salwch yng Nghymru.

Mae’n arwain at nifer o niweidiau iechyd a chymdeithasol, yn enwedig i’r lleiafrif arwyddocaol o bobl sy’n yfed yn ormodol.

Yn 2018, cafwyd 535 o farwolaethau cysylltiedig ag alcohol yng Nghymru ac yn 2018-19; cafwyd bron 60,000 o dderbyniadau i’r ysbyty oherwydd alcohol. Mae modd atal yr holl niwed hwn.

Mae tystiolaeth yn dangos bod cysylltiad rhwng yfed ar lefelau niweidiol ac argaeledd alcohol rhad, a bod isafbris yn effeithiol o ran lleihau faint o alcohol sy’n cael ei yfed gan yfwyr peryglus a niweidiol.