Alcohol

Hylif o wahanol gryfder, o 2.8% (cwrw ysgafn) i 40% (gwirodydd). Mae ethanol yn doddydd a ddefnyddir mewn paent, persawr a cologne, mae hefyd yn cael ei ddefnyddio mewn pinnau marcio a diaroglyddion.

Effeithiau A Ddymunir:

Meddwdod ysgafn, ymlacio, llonder, teimlo'n gymdeithasol.

Sgîl Effeithiau:

Dadhydradiad, diffyg cyd-symud, siarad yn aneglur, dim swildod, amharu ar eich golwg, dryswch.

• Er bod alcohol yn gyfreithlon, mae'n gyffur iselder.
• Gall yfed ar stumog wag beri ichi feddwi'n gyflymach oherwydd bydd yr alcohol yn mynd i mewn i'ch gwaed ac i'ch ymennydd yn gyflymach; felly gwnewch yn siŵr eich bod chi'n bwyta pryd o fwd cyn i chi ddechrau yfed.
• Ceisiwch arafu'r alcohol trwy gael dŵr neu ddiod feddal rhwng diodydd alcoholig. Bydd hyn yn rhoi ychydig mwy o amser i'ch iau brosesu'r alcohol ac ni fyddwch yn teimlo mor ddadhydredig.
• Os ydych chi allan gyda ffrindiau, osgowch yfed mewn rowndiau oherwydd gall fod yn hawdd colli trywydd yr hyn rydych chi'n ei yfed.
• Peidiwch â rhoi pwysau ar eraill i yfed gormod
• Peidiwch â chael eich gorfodi i yfed yn rhy gyflym na chymryd rhan mewn gemau yfed.
• Peidiwch â chymysgu'ch diodydd. Gall cymysgu diodydd eich gwneud chi'n fwy meddw a theimlo'n fwy sâl na phe baech chi'n cadw at un math o ddiod yn unig.
• Peidiwch â gadael eich diod heb neb i ofalu amdani a gwnewch yn siŵr eich bod yn gwylio'ch diod yn cael ei hagor / tywallt bob amser, bydd hyn yn osgoi rhywun yn ei sbeicio.
• Gwnewch yn siŵr eich bod chi'n gwybod sut rydych chi'n cyrraedd adref cyn i chi adael y dafarn / clwb.
• Pan gyrhaeddwch adref, yfwch ychydig o ddŵr i helpu i ail-hydradu’ch corff a gwanhau'r alcohol yn eich llif gwaed; pan ewch i'r gwely cysgwch ar eich ochr yn y safle adfer er mwyn osgoi tagu os ydych chi'n taflu i fyny.
• Os yw rhywun yn dioddef effeithiau gwael fel chwydu, confylsiynau, anymwybodol - rhowch nhw yn y safle adfer a galwch am gymorth meddygol ar unwaith.

Tymor Hir:

Dibyniaeth, symptomau diddyfnu, niwed parhaol arwyddocaol i'r ymennydd ac organau eraill (calon, iau, stumog) sy'n gallu bod yn angheuol.

Tymor Byr:

Goddefiad, gorddos, damweiniau (yfed a gyrru). Mynd yn anymwybodol, coma, marwolaeth. Os bydd yn cael ei ddefnyddio yn ystod beichiogrwydd, gall niweidio'r embryo (syndrom alcohol y ffoetws).

Am fwy o wybodaeth ar Alcohol Related Brain Damage (ARBD) cliciwch ar y linc i wefan Alcohol Exchange Alcohol-related brain damage - signs and symptoms | Alcohol Change UK

Iselydd seicoactif y system nerfol ganolog, tawelydd.

Ni chaiff neb brynu na cheisio prynu diod feddwol i'w yfed mewn bar gan unigolyn dan 18 oed; gall rhai 16-17 oed brynu cwrw, port, seidr neu peri mewn man bwyta neu eiddo trwyddedig; gall rhai dan 16 fynd i fwyty ble mae alcohol yn cael ei weini, ac ar ddisgresiwn y sawl sy'n dal y drwydded, gall yfed (ond dim prynu) alcohol a brynwyd gan riant neu warchodwr cyn belled â'i fod gyda phryd; gall plant dan 14 fynd i dŷ tafarn â thystysgrif plant, ond gydag oedolyn ac aros yn yr ardd neu ystafell teulu; gall rai 5 oed a hŷn yfed alcohol gartref gyda goruchwyliaeth oedolyn. Mae Deddf Trwyddedu 2003 wedi dileu'r hen system o oriau a ganiateir i werthu alcohol, sy'n galluogi agor am 24 awr, saith niwrnod yr wythnos. Mae dros 200,000 eiddo trwyddedig yn y Deyrnas Unedig i gyd. Maen nhw mewn dau brif gategori: 'Ar' Drwyddedau - sy'n awdurdodi gwerthu alcohol i'w yfed yn yr eiddo ac oddi ar yr eiddo. Gall y trwyddedau hyn fod ar gyfer cwrw, seidr a gwin neu gwrw, seidr, gwin a gwirodydd. Mae'r eiddo hyn yn cynnwys tafarndai a chlybiau. All Drwyddedau - sy'n awdurdodi gwerthu alcohol i'w yfed oddi ar yr eiddo. Eto, gall y trwyddedau hyn fod ar gyfer cwrw, seidr a gwin neu gwrw, seidr, gwin a gwirodydd. Mae eiddo all-drwyddedau yn cynnwys archfarchnadoedd.

Drwy'r geg.

Pympiau, poteli, gwydrau.

Yn y diwydiant meddygol, defnyddir alcohol mewn weips antiseptig ac yn y rhan fwyaf o gels diheintio dwylo gwrthfacterol.

Mae ethanol yn ei ffurf bur yn hylif anweddol, fflamadwy, di-liw. Gellir cynhyrchu ethanol o ethylen a'i ddefnyddio yn y diwydiant petrogemegol a gellir ei wneud drwy eplesu siwgr â burum i'w ddefnyddio yn y diwydiant diodydd alcoholig. Cynhyrchir diodydd alcoholig mewn distyllfeydd a bragdai ledled Prydain a'r byd. Gellir rhannu diodydd alcoholig yn gyffredinol i ddau grŵp: rhai wedi'u heplesu a rhai wedi'u distyllu. Mae diodydd wedi'u heplesu yn cynnwys cwrw, gwin a seidr; mae diodydd wedi'i distyllu (gwirodydd) yn cael eu gwneud drwy ddistyllu diodydd wedi'u heplesu ac maen nhw'n cynnwys wisgi, brandi, rym, fodca a gin. Mae diodydd alcoholig yn amrywio o ran cryfder (yn dibynnu faint o ethanol sy'n cael ei ychwanegu), yn dibynnu ar ba ddeunydd a ddefnyddiwyd i ddechrau (grawn, ffrwyth ac ati) a hefyd ar ba gynhwysion ychwanegol a ddefnyddiwyd fel perlysiau a sbeisys. Rhagamcanir bod tua 170,000 eiddo trwyddedig fel tafarndai, bariau a siopau yn y Deyrnas Unedig yn unig.

Mae gwasanaethau alcohol neu brosiectau alcohol cymunedol yn y rhan fwyaf o ardaloedd yn y Deyrnas Unedig, gall y rhain fod yn wasanaethau sy'n darparu cefnogaeth i bob math o broblemau cyffuriau yn cynnwys gweithwyr arbenigol alcohol. Maen nhw'n cynnig ystod o wasanaethau yn cynnwys gwybodaeth a chyngor, cwnsela ac weithiau grwpiau cefnogi a therapïau cyflenwol fel aciwbigo. Mae gan rai gwasanaethau oriau gwaith estynedig ac mae rhai'n cynnig cefnogaeth ar benwythnosau. Os yw defnyddio'r sylwedd hwn yn dod yn broblem, gallwch chwilio am gymorth, cyngor a chwnsela gan wasanaeth yn eich ardal. Gall meddygon teulu wneud cyfeiriadau at wasanaethau arbenigol alcohol a chyffuriau. Mae unedau dadwenwyno i gleifion mewnol mewn ysbytai ac unedau cleifion allanol ar gael i rai sy'n gaeth i alcohol. Mae gwasanaethau cymunedol fel Cynghorau ar Alcohol, Timau Cymunedol Alcohol a grwpiau hunan gymorth fel Alcoholics Anonymous (AA), sef grŵp cefnogi ymataliad 12 Cam.