Magic Mushrooms

Liberties
Liberty Caps
Magics
Mushies
Shrooms
Psilocybe Semilanceata

Enwau Gwyddonol: Psilocybe Semilanceata

Enwau Generig: Liberty Cap

An example of what Magic Mushrooms looks like

Ni allwch bob amser fod yn siŵr mai'r hyn a brynwch yw'r hyn a gewch, ond os ydych am anfon unrhyw sylwedd i ffwrdd i'w brofi, gallwch ei anfon at WEDINOS

Beth mae'n edrych fel?

Madarch bach gwyn ar eu ffurf naturiol, brown ar ôl eu sychu, gyda lwmp bach nodedig ar ei ben. Cynhwysion gweithredol: Psilocybin a Psilocin.

Effeithiau Magic Mushrooms

Effeithiau A Ddymunir:

Tebyg i LSD, h.y. rhithweledigaethau a doniolwch - ond yn para'n llai, 3-7 awr yn ddibynnol ar faint a gymerir.

Sgîl Effeithiau:

Ffwndro, dryswch, methu cydlynu'r corff, teimlo'n sâl afluniad amser a lle, pendro. Rhithbeiriau yn anrhagweladwy a goddrychol eu natur a gall symptomau amrywio

Risgiau tymor byr

Damweiniau tra dan ddylanwad, pryder, gofid emosiynol, Gwenwyno

Effaith ddymunol

Rhithweledigaethau a doniolwch - ond yn para'n llai, 3-7 awr yn ddibynnol ar faint a gymerir.

Risgiau tymor hir

Risg o sbarduno problemau seicolegol sylfaenol. Ddim yn gorfforol gaethiwus, gallu creu cynnydd dros dro mewn goddefedd.

Risgiau

Tymor Hir:

Fel pob sylwedd rhithbeiriol, mae rhywfaint o risg o sbarduno problemau seicolegol sylfaenol. Ddim yn gorfforol gaethiwus, ond maen nhw'n gallu creu cynnydd dros dro mewn goddefedd.

Tymor Byr:

Damweiniau tra dan ddylanwad, pryder, gofid emosiynol (h.y. trip drwg). Gwenwyno, drwy hel math mwy gwenwynig o fadarch yn ddamweiniol.

Sut mae Magic Mushrooms yn gweithio?

Rhithbeiriol.

Dosbarth A, yn ffres ac wedi'u paratoi (e.e. wedi'u sychu neu stiwio) dan y Ddeddf Camddefnyddio Cyffuriau, ers i'r Ddeddf Cyffuriau 2005 newid y gyfraith o ran madarch yn cynnwys psilocin neu psilocybin.

Sut mae Magic Mushrooms yn cael ei gymryd?

Eu bwyta neu eu gwneud yn de.

Offer

Dim.

Defnydd Meddygol

Dim

O Ble Mae'n Dod?

Mae madarch Psilocybin yn tyfu ym mhob rhan o Brydain yn ystod yr hydref. Gall defnyddwyr fynd ar sbri hel yn ystod y cyfnod hwn, sychu'r madarch a'u cadw i'w defnyddio eto. Gwerthir rhai ar y farchnad anghyfreithiol pan nad ydynt yn eu tymor.

Gwasanaethau Sy'n Helpu

Mae 'asiantaethau stryd' neu brosiectau, (a elwir weithiau yn wasanaethau cyffuriau cymunedol neu dimau cyffuriau cymunedol) ar gael yn y rhan fwyaf o ardaloedd y DU, sy'n cynnig ystod o wasanaethau yn cynnwys gwybodaeth a chyngor, cwnsela, ac weithiau grwpiau cefnogi a therapiau cyflenwol fel aciwbigo. Mae gan rai gwasanaethau oriau gwaith estynedig ac mae rhai'n cynnig cefnogaeth ar benwythnosau. Os yw defnyddio'r sylwedd hwn yn dod yn broblem, gellwch chwilio am gymorth, cyngor a chwnsela gan wasanaeth yn eich ardal. Gall meddygon teulu wneud atgyfeiriadau i wasanaethau arbenigol cyffuriau.

Rhieni a pherthnasau eraill

Mae asiantaethau cyffuriau hefyd yn darparu llawer o gyngor a chefnogaeth i rieni pobl sy'n defnyddio'r cyffuriau hyn. Gall llawer o asiantaethau stryd gynnig grwpiau cefnogi neu gwnsela i aelodau teuluoedd, partneriaid ac ati.

Chwilio Termau Cyffuriau