Temazepam

The Mazepam
TZ
Big T
Vitamin T
Mommys Big Helper
Tem-Tems
Neurotrashers
Mind Erasers
Brainwash
Drunk Pills
Green Devils
Blackout
No-gos
Red & Blue
Terminators
Ruggers
Rugby Balls
Norries
Hardball
Knockouts
Wobbly Eggs
Green Eggs
Eggs
Beans
Temmies
Tammies
Temazies
Mazzies
Terms
Tams
Edinburgh Eccies
Jelly
Jellies
King Kong Pills

Enwau Gwyddonol: Temazepam

Enwau Generig: Benzodiazepine

Ni allwch bob amser fod yn siŵr mai'r hyn a brynwch yw'r hyn a gewch, ond os ydych am anfon unrhyw sylwedd i ffwrdd i'w brofi, gallwch ei anfon at WEDINOS

Beth mae'n edrych fel?

Tabledi 10mg and 20mg. Toddiant geneuol 10mg/5ml Mae pob cynhyrchydd yn y DU nawr yn creu tabledi solet yn hytrach na capswlau gel.

Effeithiau Temazepam

Effeithiau A Ddymunir:

Ymlacio, llai o bryder, dedwyddwch.

Sgîl Effeithiau:

Syrthni, penysgafnder, colli balans a chydweithrediad, ffwndro, pwysedd gwaed isel, pendro, rhithwelediadau, cynnwrf a hunllefau. Gall meddyginiaethau eraill ryngweithio â Temazepam megis rhai mathau o gyffuriau gwrthiselder a gwrthfiarol, ymysg eraill.

Risgiau

Tymor Hir:

Dibyniaeth gorfforol, goddefiad a symptomau diddyfniad difrifol os caiff ei stopio'n sydyn, ffitiau a cholli'r cof. Agoraffobia, pryder a phyliau o banig

Tymor Byr:

Gorddos, yn enwedig os caiff ei gymysgu gydag alcohol neu sylweddau iselydd eraill, gostyngiad resbiradol, coma a marwolaeth.

Sut mae Temazepam yn gweithio?

Mae Temazepam yn iselydd y system nerfol ganolog. Mae'n gyffur hypnotig a ddefnyddir ar gyfer triniaeth tymor byr diffyg cwsg a phryder.

Statws Cyfreithiol

Dosbarth C dan y Ddeddf Camddefnyddio Cyffuriau. Dosbarth A os yw wedi'i baratoi i'w chwistrellu. Mae'n feddyginiaethau presgripsiwn yn unig.

Sut mae Temazepam yn cael ei gymryd?

Caiff tabledi a thoddiant geneuol eu llyncu. Gwyddom am ddefnyddwyr sydd wedi chwistrellu Temazepam - mae'n achosi cosi poenus dychrynllyd a niwed i feinwe wrth ei chwistrellu'n fewnwythiennol, ynghyd â'r risgiau eraill a gysylltir â defnyddio cyffuriau'r ffordd hon.

Offer

Os yw'n cael ei chwistrellu: chwistrell, nodwydd a dŵr,

Defnydd Meddygol

Mae Temazepam yn benzodiazepine a ragnodir ar gyfer ei rinweddau llonyddol, ar gyfer triniaeth tymor byr diffyg cwsg. Gellir ei ragnodi ar gyfer pryder, aflonyddwch ac iselder. Gellir ei ragnodi hefyd fel meddyginiaeth gwrthgonfylsiwn, ymlaciwr cyhyrau a llonyddiad cyn llawdriniaeth.

O Ble Mae'n Dod?

Ceir drwy wneuthurwyr, fferyllfeydd a phresgripsiwn meddyg teulu

Gwasanaethau Sy'n Helpu

Mae Temazepam yn gyffur sy'n creu dibyniaeth gorfforol ddifrifol iawn. Gall symptomau rhoi'r gorau fod yn ddifrifol iawn, hyd yn oed yn fygythiad bywyd wrth stopio eu cymryd yn stop stond. Felly mae'n hanfodol bod Temazepam yn cael ei leihau'n raddol gan ddefnyddio rhaglen leihau. Meddyg Teulu yw'r cyrchfan cyntaf i unrhyw un sy'n dymuno lleihau neu stopio defnyddio cyffur fel Temazepam a gall MT hefyd ragnodi cynllun lleihau i ddod oddi arnynt yn raddol bach. Gall MT hefyd gyfeirio at wasanaeth cyffuriau cymunedol neu ' asiantaeth stryd' i ddarparu cefnogaeth bellach ar ffurf gwybodaeth a chyngor, cwnsela ac weithiau grwpiau cefnogi a therapïau cyflenwol megis aciwbigo. Mae gan rai gwasanaethau oriau gwaith estynedig ac mae rhai'n cynnig cefnogaeth ar benwythnosau.

Rhieni a pherthnasau eraill

Mae asiantaethau cyffuriau hefyd yn darparu llawer o gyngor a chefnogaeth i rieni pobl sy'n defnyddio'r cyffuriau hyn. Gall llawer o asiantaethau stryd gynnig grwpiau cefnogi neu gwnsela i aelodau teuluoedd, partneriaid ac ati.