Mwynha dy noson,
cadwa’n saff

Meddylia ddwywaith am yfed cyn mynd allan

Mae meddwi cyn mynd allan yn dy roi di a dy  ffrindiau mewn mwy o risg a gallai olygu tacsi adre’n gynnar. Meddylia am gyfyngu faint gei di cyn gadael, ac yfa ddigon o ddŵr i dy hydradu drwy gydol y noson. 

Yn gryfach gyda’ch gilydd

Cefnoga dy ffrindiau drwy aros gyda’ch gilydd, gofalu am eich gilydd a pharchu eu dewisiadau. Ni fydd ffrind da yn gorfodi unigolyn i yfed mwy nag y mae’n dymuno.

Mwynha dy foreau

Bydd ychydig o gamau syml yn cadw pen mawr draw, yn gwella dy lesiant ac yn dy helpu di wneud y mwyaf o dy foreau.

• Bwyta bryd cyn yfed. 
• Cadwa wedi dy hydradu ac yfa ddŵr rhwng diodydd alcoholig. 
• Paid  â chymysgu dy ddiodydd 
• Ceisia osgoi’r siots

Cynllunia ymlaen llaw

Paid â chael dy adael yn yr oerfel – trefna dy siwrnai adre cyn mynd allan. 

Meddylia cyn cymysgu

Gall cymysgu diodydd fod yn gamgymeriad, waeth a yw’n wirodydd, gwinoedd neu’n siotiau. Mae alcohol yn effeithio ar gyrff pawb yn wahanol, felly mae’n gallach i gadw at yr un math o ddiod – a phaid â’u cymysgu â chyffuriau. Gall alcohol a chyffuriau weithio gyda’i gilydd mewn ffyrdd annisgwyl, a gallant fod yn beryglus wrth eu cymryd ar yr un pryd. 

Mae cymryd cyffuriau yn anghyfreithlon, ond os wyt ti’n benderfynol o’u cymryd, meddylia yn ofalus am y risgiau cyn i ti ddechrau. Cynllunia ymlaen llaw, dwed wrth eraill beth rwyt ti wedi’i gymryd, arhosa gyda ffrindiau a gallu di bob amser wirio’r hyn sydd yn y cyffuriau trwy ddarparu sampl i WEDINOS. Yr unig ffordd o osgoi’r holl risgiau yw peidio â chymryd cyffuriau.

Bydd yn ymwybodol, cymer ofal

Bydd yfed ychydig llai o ddiodydd yn dy helpu i aros yn wyliadwrus ar dy noson allan a sylwi ar yr arwyddion o sbeicio diodydd. Cadwa lygad ar dy ddiodydd a chad nhw gyda thi bob amser. Os wyt ti’n credu dy fod ti neu dy ffrindiau wedi’ch sbeicio, arhoswch gyda’ch gilydd a chwiliwch am gymorth. 

Mae Ychydig llai o ddiodydd yn rhan o Galw Amser Newid, strategaeth i leihau’r niwed a achosir gan alcohol gan Fwrdd Cynllunio Ardal Gogledd Cymru ar gyfer Camddefnyddio Sylweddau