Cathinonau

Mae Cathinone yn gyfansawdd cemegol sy'n digwydd yn naturiol, mae'n gydran o'r llwyn Catha edulis - Khat. Gellir cynhyrchu Cathinone hefyd yn synthetig, gelwir weithiau yn 'Cathinone Amnewidiol'. Cathinone synthetig yw'r cynhwysyn allweddol mewn cyffuriau hamdden megis Mephedrone.

Effeithiau A Ddymunir:

Bydd yr effeithiau yn dibynnu ar gryfder y dos a'r math o amnewidyn cathinon a ddefnyddir. Maent oll yn symbylyddion, ond efallai bydd effaith rhai ohonynt yn debycach i effaith ecstasi.

• Egni
• Magu hyder
• Lles, ewfforia
• Cynyrfiadau.

Sgîl Effeithiau:

Bydd y sgil effeithiau yn dibynnu ar gryfder y dos a'r math o amnewidyn cathinon a ddefnyddir. Ar y cyfan, gall y sgil effeithiau ymdebygu i rai MDMA, cocên a symbylyddion cryf eraill, er enghraifft, cyfradd curiad y galon yn cyflymu'n sylweddol, chwysu, llai o archwaeth, clensio'r safnau, cannwyll llygaid lledagored, paranoia, gorbryder, hwyliau ansad.

• Yn aml iawn, caiff cathinonau eu camwerthu fel MDMA/ecstasi. Bydd angen disgwyl yn hirach cyn teimlo'r effaith, a gall hynny wneud i bobl feddwl bod y dos yn wan neu eu bod yn dda i ddim a chymryd mwy o ddos. Fodd bynnag, efallai fod effeithiau rhai ohonynt yn para yn hirach, ac mae hynny wedi achosi problemau seicolegol difrifol yn sgil methu â chysgu am ddiwrnodau lawer.
• Os oes gennych chi brawf adweithyddion, ceisiwch ddilyn y cyfarwyddiadau i nodi beth sydd yn eich tabledi/cymysgeddau. Fodd bynnag, nid yw'r profion hyn yn ddi-feth a gall gwallau dynol amharu arnynt, ac nid ydynt yn cynnig unrhyw wybodaeth i chi am gryfder y dos. Os oes gennych chi ddigon o amser i gynllunio, anfonwch dabled neu bowdwr at WEDINOS.
• Yn achos unrhyw dabled neu bowdwr, cymerwch fymryn bach i ddechrau a disgwyliwch awr o leiaf i ganfod beth yw'r effeithiau cyn cymryd rhagor.
• Mae cathinonau yn symbylyddion. Pa un ai y gwnaethoch chi eu prynu'n ymwybodol neu y cawsant eu camwerthu i chi, cadwch at yr holl ragofalon arferon y buasech yn eu defnyddio wrth gymryd symbylyddion.
• Stopiwch ddawnsio am ychydig i oeri'r corff a sipiwch ddŵr yn rheolaidd.
• Bydd cymysgu cathinonau ag alcohol yn cynyddu'r risg o brofi diffyg hylif, a bydd cymysgu symbylyddion yn cynyddu'r holl risgiau.
• Os oes gennych chi unrhyw gyflwr calon, dylech chi osgoi defnyddio symbylyddion.
• Defnyddiwch ef yn achlysurol yn unig a gwnewch yn siŵ® eich bod yn cael digon o orffwys ar ôl ei gymryd.
• Os bydd rhywun yn profi effeithiau negyddol megis chwydu, confylsiynau neu anymwybyddiaeth, gosodwch hwy yn yr ystum adferol a ffoniwch i ofyn am gymorth meddygol yn syth.

Tymor Hir:

Bydd y risgiau tymor hir yn dibynnu ar yr amnewidyn cathinon a ddefnyddir. Fodd bynnag, maent yn debyg ar y cyfan i'r risgiau sy'n gysylltiedig â symbylyddion cryf eraill, er enghraifft, iselder, piwisrwydd, dod yn gaeth i gyffur, paranoia a sbarduno cyfnodau seicotig. Fodd bynnag, prin yw'r wybodaeth am risgiau tymor hir llawer o gathinonau.

Tymor Byr:

Bydd y risgiau tymor byr yn dibynnu ar gryfder y dos a'r amnewidyn cathinon penodol a ddefnyddir. Ond ar y cyfan, maent yn debyg i'r risgiau sy'n gysylltiedig â symbylyddion cryf eraill, er enghraifft, paranoia, trawiad ar y galon, trawiad gwres ac ati. Fodd bynnag, yn aml iawn, caiff cathinonau eu camwerthu fel MDMA neu mewn tabledi ecstasi. Mae effeithiau rhai cathinonau yn debyg iawn i rai MDMA ond efallai bydd angen disgwyl mwy cyn teimlo'r effaith (gan wneud i ddefnyddwyr gymryd mwy o ddos o'r cyffur), a/neu efallai eu bod yn actif (ac yn wenwynol) mewn dosys gwannach, neu efallai bydd eu heffeithiau'n para'n hirach. Gall hynny olygu methu â chysgu, am nifer o ddyddiau ar brydiau, gan achosi problemau seicolegol difrifol. Bu 21 o farwolaethau a oedd yn ymwneud â chathinonau yng Nghymru a Lloegr yn 2024.

Symbylyddion y brif system nerfol.

Mae cathinonau synthetig, a elwir hefyd yn ‘amnewidynnau cathinon yn grŵp mawr o gyffuriau tebyg i symbylyddion/MDMA. Maen nhw’n cynnwys Meffedron neu M-Cat (4-MMC). Dyma’r cyffur a ddaeth yn boblogaidd yn y 2000au fel amnewidyn penfeddwol cyfreithlon ar gyfer ecstasi. Er bod y defnydd o meffedron/M-CAT wedi gostwng yn sylweddol ers ei anterth yn y 2000au cynnar, mae’n dal i gael ei ddefnyddio yn y DU, weithiau fel symbylydd hamdden, ac yn aml yn cael ei gamwerthu fel tabledi MDMA mewn gwyliau a chlybiau nos. Mae 4-CMC yn gathinon synthetig sy’n debyg i M-CAT ac sydd bellach yn fwy cyffredin mewn gwyliau, clybiau nos ac/neu’n cael ei gamwerthu fel tabledi MDMA. Defnyddir M-Cat/Meffedron yn y sîn Chemsex, er yn fwy diweddar, mae defnyddio’r cathonin synthetig, 3-CMC wedi dod yn fwy poblogaidd ynghyd â defnyddio metaffetamin crisial a GBL/GBH. Mae Cathinonau Pyrrolidino yn is-grŵp o gathinonau synthetig ac yn cynnwys: a-PVP (Flakka), MDPV ac MDPHP (< href="https://dan247.org.uk/cy/math/monkey-dust-cathinonau-pyrrolidino/">Monkey Dust) Mae’r niwed sy’n gysylltiedig â defnyddio cathoninau synthetig yn dibynnu ar y cyd-destun. Er enghraifft, defnyddir cathinonau synthetig megis M-Cat yn symbylyddion hamdden i’w defnyddio’n achlysurol mewn gwyliau a chlybiau nos gan eu bod yn debyg i MDMA. Ond mae cathoninau pyrrolidino fel ‘Monkey Dust’ yn cael eu defnyddio bron yn gyfan gwbl yn ardal Swydd Stafford, a hynny ymhlith oedolion sydd wedi’i hallgau’n gymdeithasol ac sy’n agored i niwed , sy’n aml yn byw mewn hosteli neu’n ddigartref ac yn cymryd cyffuriau i ymdopi a phroblemau iechyd meddwl a thrawma’r gorffennol, ac i geisio anghofio amgylchiadau presennol eu bywyd. < href="https://dan247.org.uk/cy/math/monkey-dust-cathinonau-pyrrolidino/">(Dolen ar gyfer rhagor o wybodaeth am gathoninau pyrrolidino ‘Monkey Dust’ yma)

Mae Cathinonau yn gyffuriau Dosbarth B, dan y Ddeddf Camddefnyddio Cyffuriau.

Mewn sawl ffordd, yn dibynnu ar ffurf y cyffur. Fel arfer, cymerir cathinonau synthetig ar ffurf tabled, eu ffroeni/sniffian neu eu llyncu (‘swallow bombed’) ond gellir eu hysmygu neu eu chwistrellu.

Amrywiol, yn ddibynnol ar ffurf y cyffur.

Mae Bupropion wedi’i drwyddedu fel cymorth rhoi’r gorau i ysmygu, ac mae ar gael ar bresgripsiwn yn unig o dan yr enw Zyban.

Mae Cathinon (Bensoilethanamin) yn gemegyn naturiol a geir mewn planhigion Khat (Catha edulis). Mae amnewidynnau cathinon yn gyffuriau synthetig sy'n cael eu cynhyrchu mewn labordai yn Tsieina ac mewn rhywfaint o wledydd eraill. Gall hyn ddigwydd mewn gwledydd ble nadw yw'r cyffur yn destun deddfwriaeth sy'n ymwneud â chyffuriau neu mewn labordai anghyfreithlon.

Mae 'asiantaethau stryd' neu brosiectau, (a elwir weithiau yn wasanaethau cyffuriau cymunedol neu dimau cyffuriau cymunedol) ar gael yn y rhan fwyaf o ardaloedd, sy'n cynnig ystod o wasanaethau yn cynnwys gwybodaeth a chyngor, cwnsela, cyfnewid nodwyddau ac weithiau grwpiau cefnogi a therapïau cyflenwol fel aciwbigo. Mae cynnydd yn y defnydd o symbylydd wedi arwain rhai asiantaethau i gynnig cwnsela arbenigol, therapi ymddygiad gwybyddol, aciwbigo a therapïau amgen eraill a rhagnodi gwrthiselydd a chyfeiriadau posibl at adsefydlu preswyl. Mae gan rai gwasanaethau oriau gwaith estynedig ac mae rhai'n cynnig cefnogaeth ar benwythnosau. Gall meddygon teulu a'r adran achosion brys yn yr ysbyty lleol efallai wneud cyfeiriadau at wasanaethau arbenigol cyffuriau yn ogystal â gwasanaethau meddygol cyffredinol, gwybodaeth a chyngor, yn aml mewn partneriaeth ag asiantaeth cyffuriau neu Uned Dibyniaeth ar Gyffuriau.

Rhieni a pherthnasau eraill

Mae asiantaethau cyffuriau hefyd yn darparu llawer o gyngor a chefnogaeth i rieni pobl sy'n defnyddio'r cyffuriau hyn. Gall llawer o asiantaethau stryd gynnig grwpiau cefnogi neu gwnsela i aelodau teuluoedd, partneriaid ac ati.