Ni allwch bob amser fod yn siŵr mai'r hyn a brynwch yw'r hyn a gewch, ond os ydych am anfon unrhyw
sylwedd i ffwrdd i'w brofi, gallwch ei anfon at WEDINOS
Effeithiau A Ddymunir:
Nid yw CBD yn seicoweithredol, felly nid oes unrhyw effeithiau byrdymor amlwg. Fodd bynnag, mae olew CBD yn feddyginiaeth naturiol boblogaidd, a cheir llawer o honiadau am ei fuddion, yn cynnwys lleddfu poen ac ymlacio heb y math o effeithiau ar y meddwl sy'n deillio o ddefnyddio canabis sy'n cynnwys THC. Efallai bod gan CBD briodweddau gwrthseicotig a lleihau gorbryder, ac felly, gallai fod yn gyfrwng addawol newydd i drin anhwylderau seicotig a gorbryder.Sgîl Effeithiau:
Gall CBD achosi sgil effeithiau megis ceg sych, dolur rhydd, llai o archwaeth, syrthni a lludded. Gall CBD hefyd ryngweithio â meddyginiaethau eraill y byddwch yn eu cymryd, megis rhai i deneuo'r gwaed.- Credid am gryn amser fod CBD yn gweithredu i bylu effeithiau THC. Fodd bynnag, mae ymchwil diweddar yn awgrymu nad yw hynny'n wir a bod canabis sydd â lefelau uwch o CBD yn llai tebygol o achosi effeithiau andwyol dim ond oherwydd y cyfanswm llai o THC sydd ynddo.
- Bydd rhai defnyddwyr canabis yn cymryd CBD gan obeithio lleihau rhywfaint o effeithiau negyddol canabis. Fodd bynnag, nid oes unrhyw dystiolaeth i gadarnhau bod hyn yn gweithio.
- Os ydych chi'n cymryd CBD heb bresgripsiwn, mae'n bwysig monitro'r buddion ac unrhyw adweithiau anffafriol. Yn amlwg, dylech roi'r gorau i'w ddefnyddio os yw'r effeithiau andwyol yn gorbwyso'r buddion.
- Ni argymhellir i'r canlynol gymryd y math meddygol o CBD (Canabidiol): merched beichiog, y sawl sy'n bwydo o'r fron, pobl sydd â phroblemau'r arennau neu'r iau a phobl sydd â hanes o salwch seicotig.
Tymor Hir:
Ni argymhellir i'r canlynol gymryd y math meddygol o CBD (Canabidiol): merched beichiog, y sawl sy'n bwydo o'r fron, pobl sydd â phroblemau'r arennau neu'r iau a phobl sydd â hanes o salwch seicotig.Tymor Byr:
Ni ystyrir bod CBD yn seicoweithredol, felly mae'r risgiau yn weddol ddisylw o gymharu â risgiau canabis sy'n cynnwys THC.
Mae CBD yn effeithio ar dderbynyddion canabinoidau yn yr ymennydd a'r corff.
Mae CBD (Canabidiol) yn gemegyn (o'r enw canabinoid) a geir mewn planhigion canabis, canabis llysieuol a resin canabis. Ni chredir bod CBD yn seicoweithredol. Amcangyfrifir bod y diwydiant CBD yn y DU yn werth £1 biliwn y flwyddyn, ac mae'r cynhyrchion yn amrywio o ddŵr â CBD ynddo i gasys gobenyddion â CBD wedi'i drwytho ynddynt. Mae olewau CBD a hylifau CBD ar gyfer e-sigaréts ar gyfer yn y rhan fwyaf o siopau e-sigaréts. Yn ddryslyd iawn, caiff olewau CBD a hylifau CBD ar gyfer e-sigaréts eu gwerthu'n aml dan enwau 'THC Oil' neu 'Cannabis Oil', gan adleisio enwau brandiau gwahanol fathau o ganabis yn anad dim.
Mae CBD (Canabidiol) yn gemegyn (o'r enw canabinoid) a geir mewn planhigion canabis, canabis llysieuol a resin canabis. Ni chredir bod CBD yn seicoweithredol. Amcangyfrifir bod y diwydiant CBD yn y DU yn werth £1 biliwn y flwyddyn, ac mae'r cynhyrchion yn amrywio o ddŵr â CBD ynddo i gasys gobenyddion â CBD wedi'i drwytho ynddynt. Mae olewau CBD a hylifau CBD ar gyfer e-sigaréts ar gyfer yn y rhan fwyaf o siopau e-sigaréts. Yn ddryslyd iawn, caiff olewau CBD a hylifau CBD ar gyfer e-sigaréts eu gwerthu'n aml dan enwau 'THC Oil' neu 'Cannabis Oil', gan adleisio enwau brandiau gwahanol fathau o ganabis yn anad dim.
Nid yw CBD pur yn seicoweithredol, felly nid yw'r Ddeddf Camddefnyddio Cyffuriau na'r Ddeddf Sylweddau Seicoweithredol yn ei gwmpasu. Fodd bynnag, mae'r cyfreithiau a'r rheoliadau yn y DU sy'n ymwneud â chynhyrchu a chyflenwi CBD yn gymhleth. Gellir dosbarth CBD yn fwyd newydd neu'n feddyginiaeth. Os bydd cynnyrch CBD yn cynnwys unrhyw ganabinoidau rheoledig, megis THC, yn anfwriadol ai peidio, gall fod yn gyffur rheoleidig oni fydd wedi'i gynhyrchu dan amodau caeth.
Gellir ei lyncu, ei rwbio ar y croen neu ei ddefnyddio mewn e-sigarét. Gellir ei ysmygu os yw'n gynnyrch llysieuol.
Trwyddedir CBD (Canabidiol) i'w ddefnyddio fel meddyginiaeth i drin mathau penodol o ffitiau.
Mae planhigion canabis yn cynnwys CBD yn ei ffurf naturiol. Mae'n anodd arunigo CBD pur. Fe wnaeth ymchwil diweddar ganfod bod y crynodiad o CBD mewn olewau yn aml yn wahanol i'r hyn a honnir ac yn ychwanegol, roedd rhai yn cynnwys THC, felly buasent yn anghyfreithlon yn y DU.
