Codin

Mae Codeine ar gael fel arfer ar ffurf tabled, hylif geneuol ac weithiau mewn ffiolau i'w chwistrellu ar gyfer ei roi yn rhyng-gyhyrol.

Effeithiau A Ddymunir:

Dedwyddwch, llai o bryder, ymlacio, lleddfu poen.

Sgîl Effeithiau:

Syrthni, dryswch, teimlo'n ddryslyd, cyfog a salwch, cosfa a fflysio o'r croes, rhwymedd.

Tymor Hir:

Caethiwed corfforol a seicolegol yn sgil ei ddefnyddio'n rheolaidd. Mae nifer o gymysgeddau codin yn cynnwys poenleddfwyr megis parasetamol, a gall dosys cryf ohonno fod yn wenwynig i'r iau.

Tymor Byr:

Goddefedd, damweiniau, gorddos. Fel yn achos dihydrocodin, dylid osgoi ei chwistrellu'n fewnwythiennol, oherwydd gall achosi difrod i'r gwythiennau a'r cylchrediad, hylif ar yr ysgyfaint (a all fod yn beryglus iawn), ac adwaith alergaidd difrifol all achosi marwolaeth.

Opiad. Iselydd y brif system nerfol, poenleddfwr, lleddfu peswch, tawelydd.

Mae codin yn opioid a geir yn naturiol yn y pabi opiwn. Mae Codin ar gael fel arfer fel tabledi, hylif drwy'r geg, ac weithiau mewn ffiolau chwistrelladwy i'w roi yn y cyhyr.

Mae Codin yn gyffur Dosbarth B dan y Ddeddf Camddefnyddio Cyffuriau (Dosbarth A os caiff ei chwistrellu). Ceir dosys cryfach o'r cyffur mewn meddyginiaeth sydd ar gael trwy bresgripsiwn yn unig, ond ceir dosys gwannach ohono mewn rhai meddyginiaethau y gellir eu prynu heb bresgripsiwn mewn fferyllfeydd. Yn 2024, gwnaed moddion peswch codin yn feddyginiaeth sydd ar gael ar bresgripsiwn yn unig.

Llyncir y tabledi. 'Lean' yw'r enw ar gymysgedd o godin a diod ysgafn, a chaiff ei sipian neu ei yfed. Yn wahanol i Ddihydrocodin, ni ddylid chwistrellu Codin trwy wythiennau. Dywed defnyddwyr sydd wedi ceisio malu'r tabledi'n fân i chwistrellu'r cyffur eu bod wedi cael profiad poenus. Mae ffiolau chwistrelladwy ar gyfer pigiadau mewngyhyrol yn unig.

Os caiff ei chwistrellu, ffiolau wedi'u paratoi, nodwydd chwistrell.

Caiff ei ragnodi gan feddyg i drin poen ysgafn neu ganolig, peswch a diffyg anadl. Gellir hefyd ei ddefnyddio i drin dolur rhydd. Gellir cyfuno cyfansymiau bychan o godin â meddyginiaethau eraill megis parasetamol, ibwproffen neu asbirin, i drin cur pen ac ati. Mae'r cymsygeddau hyn ar gael ar ffurf moddion peswch, tabledi neu bils, a gellir eu prynu mewn fferyllfeydd. Mae rhybuddion ar y pecynnau ynghylch y risg o fynd yn gaeth i'r cyffur. Mae Co-codamol yn un o'r meddyginiaethau eraill sy'n cynnwys Codin.

Mae codin (a morffin hefyd) yn cael ei gynhyrchu'n naturiol yn y pabi opiwm. Fel cyffur stryd ar ffurf tabledi, weithiau, caiff ei ddargyfeirio o gyflenwadau gweithgynhyrchwyr a fferyllfeydd neu bresgripsiynau meddygon teulu. Defnyddir nifer o ddulliau 'stryd' i dynnu codin o feddyginiaethau sydd ar gael mewn fferyllfeydd.

Gall y rhai sy'n defnyddio Codeine gael cymorth gan 'asiantaethau stryd' neu brosiectau, a elwir weithiau yn wasanaethau cyffuriau cymunedol neu dimau cyffuriau cymunedol, sy'n cynnig ystod o wasanaethau gan gynnwys gwybodaeth a chyngor, cwnsela, dadwenwyno a rhagnodi i rai sy'n defnyddio opiadau, cyfnewid nodwyddau ac weithiau grwpiau cefnogi a gwasanaethau eraill fel aciwbigo. Mae rhai'n agor am oriau hirach ac weithiau ar benwythnosau. Gall meddygon teulu ac ysbytai atgyfeirio at wasanaethau fel Unedau Dibyniaeth Cyffuriau. Mae'r rhan fel arfer mewn neu ger ysbytai ac maen nhw'n arbenigo mewn helpu'r rhai sy'n defnyddio cyffuriau, yn enwedig pobl sy'n gaeth yn gorfforol. Maen nhw'n cynnig cwnsela, dadwenwyno, rhagnodi amnewidion a thriniaethau eraill. Mae gwasanaethau preswyl yn cynnig rhaglenni triniaeth i rai sy'n gaeth iawn i gyffuriau ac sy'n ymdrechu i roi'r gorau iddi. Rhaid iddynt fod yn rhydd o gyffuriau wrth gael eu derbyn fel arfer, sy'n golygu bod yn rhaid iddynt gael eu dadwenwyno cyn mynd i mewn. Fel arfer, mae rhaglenni'n para 3-6 mis, ond mae rhai rhaglenni 12 cam yn para mwy. Mae'r mathau o raglenni yn amrywio. Mae grwpiau hunan gymorth fel Narcotics Anonymous (NA) yn cydlynu grwpiau cefnogi lleol i rai sy'n defnyddio cyffuriau ar hyd a lled y wlad. Mae Families Anonymous yn cynnal grwpiau tebyg i deuluoedd rhai sy'n defnyddio cyffuriau.

Rhieni a pherthnasau eraill

Mae asiantaethau cyffuriau hefyd yn darparu llawer o gyngor a chefnogaeth i rieni pobl sy'n defnyddio'r cyffuriau hyn. Gall llawer o asiantaethau stryd gynnig grwpiau cefnogi neu gwnsela i aelodau teuluoedd, partneriaid ac ati.