Effedrin a Ffugeffedrin
ephedrine-and-pseudoephedrine- Effedrin
- Ffugeffedrin
- Effedrin Hydroclorid
Enwau Gwyddonol: Effedrin Hydroclorid, Ffugeffedrin Hydroclorid
Enwau Generig: Effedrin, Ffugeffedrin
Ni allwch bob amser fod yn siŵr mai'r hyn a brynwch yw'r hyn a gewch, ond os ydych am anfon unrhyw
sylwedd i ffwrdd i'w brofi, gallwch ei anfon at WEDINOS
Mae ffugeffedrin ac effedrin yn feddyginiaethau a werthir ar ffurf tabledi, pils a chymysgeddau i'w rhoi ar y croen a ddefnyddir fel moddion i lacio'r trwyn. Cânt hefyd eu gwerthu'n anghyfreithlon, ar-lein, ar ffurf powdwr yn aml. Er bod ffugeffedrin ac effedrin wedi cael eu camddefnyddio fel symbylyddion adloniant, gellir eu defnyddio hefyd fel cemegau rhagsylwedd ac mewn prosesau anghyfreithlon i gynhyrchu methylamffetamin (meth crisial) a methcathinon.
Effeithiau A Ddymunir:
Mae ffugeffedrin ac effedrin wedi cael eu defnyddio gan gorfflunwyr, athletwyr a seiclwyr i atal archwaeth. Maent wedi cael eu defnyddio yn sgil eu heffaith fel symbylyddion, ond maent yn fwy cyffredin fel difwynwr mewn symbylyddion sy'n fwy cyffredin fel cyffuriau stryd.Sgîl Effeithiau:
Gorbryder, cur pen, anhunedd, cyfog.Tymor Hir:
Dod yn gaeth i symbylyddion, afreoleidd-dra'r galon, cynnydd ym mhwysedd y gwaed.Tymor Byr:
Gorbryder, paranoia.
Symbylyddion y brif system nerfol.
Ceir dosys llai cryf o effedrin a ffugeffedrin mewn cynhyrchion a werthir dros y cownter mewn fferyllfeydd. Ni ellir gwerthu unrhyw gynhyrchion sy'n cynnwys mwy na 720mg o ffugeffedrin neu 100mg o effedrin heb bresgripsiwn.
Gellir eu llyncu mewn tabledi, eu sniffian i fyny'r trwyn, eu hydoddi mewn diodydd, neu eu chwistrellu.
Os ydych yn ei sniffian bydd angen llafn rasel, arwyneb gwastad caled (fel drych neu wydr), tiwb neu bres papur wedi’i rolio.
Os ydych yn ei chwistrellu: bydd angen chwistrell a nodwydd, dŵr a rhwymyn tynhau.
Os ydych yn ei chwistrellu: bydd angen chwistrell a nodwydd, dŵr a rhwymyn tynhau.
Cânt eu defnyddio'n bennaf fel moddion i lacio'r trwyn.
Mae'n alcaloid sy'n deillio o amrywiaeth o blanhigion yn y teulu Ephedra. Mae'n gyffur fferyllol sydd weithiau'n cael ei ddargyfeirio o gyflenwadau a gynhyrchir yn gyfreithlon. Mae rhai meddyginiaethau a werthir dros y cownter mewn fferyllfeydd hefyd yn cynnwys y cyffur.
Mae gan y rhan fwyaf o ardaloedd yn y DU brosiectau neu ‘asiantaethau stryd’ (a elwir weithiau yn wasanaethau cyffuriau cymuned neu dimau cyffuriau cymuned) sy’n cynnig amryw o wasanaethau yn cynnwys gwybodaeth a chyngor, cwnsela, newid nodwyddau ac weithiau grwpiau cefnogi a therapïau cyflenwol fel aciwbigo. Mae’r cynnydd mewn defnyddio symbylyddion wedi arwain at rai asiantaethau i gynnig cwnsela arbenigol, therapi ymddygiad gwybyddol, aciwbigo a therapïau gwahanol eraill a rhagnodi cyffuriau gwrthiselder, a chyfeiriad posibl at adsefydliad preswyl hefyd.
Mae gan rai gwasanaethau oriau gweithio hirach ac efallai byddent yn rhoi cefnogaeth dros y penwythnos. Gall Meddygon Teulu ac o bosibl eich Adran Achosion Brys yn eich ysbyty lleol eich cyfeirio at wasanaethau cyffuriau arbenigol yn ogystal â gwasanaethau meddygol cyffredinol, gwybodaeth a chyngor yn aml mewn partneriaeth ag asiantaeth cyffuriau neu Uned Dibyniaeth ar Gyffuriau.
Rhieni a pherthnasau eraill
Mae asiantaethau cyffuriau hefyd yn darparu llawer o gyngor a chefnogaeth i rieni pobl sy'n defnyddio'r cyffuriau hyn. Gall llawer o asiantaethau stryd gynnig grwpiau cefnogi neu gwnsela i aelodau teuluoedd, partneriaid ac ati.
