Opiwm

Mae opiwm yn cael ei dynnu o'r pabi opiwm (papaver somniferum). Fe'i ceir o'r planhigyn trwy sgorio'r codennau hadau i ryddhau sudd llaethog. Yna caiff hwn ei sychu a'i fireinio i sylfaen opiwm sy'n bast gludiog du sy'n cynnwys morffin a chodîn. Mae opiwm amrwd yn cynnwys tua 8-14% morffin.

Effeithiau A Ddymunir:

Symbyliad cychwynnol, gwell dychymyg, ewfforia, ymlacio, llai o bryder, cwsg.

Sgîl Effeithiau:

• Cyfogi a thaflu i fyny
• Syrthni
• Gostyngiad yng nghyfradd y galon
• Anadlu bas
• Rhwymedd

Tymor Hir:

Dibyniaeth

Tymor Byr:

• Goddefgarwch
• Gorddos

Iselydd y system nerfol ganolog, poen laddwr.

Dosbarth A dan y Ddeddf Camddefnyddio Cyffuriau.

Fel arfer yn cael ei ysmygu mewn pibell, heb unrhyw beth wedi'i ychwanegu, ond fel heroin gellir ei gynhesu ar ffoil ac anadlu'r mygdarth - fel y'i gelwir yn ‘chasing the dragon’. Gellir ei fwyta neu ei fragu i de a'i yfed hefyd.

Pibell opiwm, ffoil, matsis neu daniwr.

Gellir ei ragnodi gan arbenigwyr ar gyfer dolur rhydd acíwt difrifol.

Roedd y cofnod cynharaf o opiwm 5,000 o flynyddoedd yn ôl. Mae'n deillio o'r pabi, papaver somniferum, sy'n tyfu mewn sawl rhan o'r byd (gan gynnwys Prydain). Ymhlith y prif ganolfannau cynhyrchu anghyfreithlon mae rhanbarthau ffin Iran, Afghanistan a Phacistan - a elwir yn 'Golden Crescent' - o amgylch ffiniau Gwlad Thai, Burma a Laos - a elwir yn ‘Golden Triangle’ a rhannau o is-gyfandir India. Mae codîn, morffin a heroin yn cael eu mireinio o opiwm amrwd. Anaml y gwelir opiwm ym Mhrydain y dyddiau hyn.

Gwelir llond llaw o ddefnyddwyr opiwm dibynnol hŷn mewn clinigau dibyniaeth cyffuriau. Mae 'asiantaethau stryd' neu brosiectau, a elwir weithiau yn wasanaethau cyffuriau cymuned neu dimau cyffuriau cymuned, yn cynnig ystod o wasanaethau yn cynnwys gwybodaeth a chyngor, cwnsela, dadwenwyno a rhagnodi i rai sy'n defnyddio opiadau, amnewid nodwyddau ac weithiau grwpiau cefnogi a gwasanaethau eraill fel aciwbigo. Mae rhai'n agor am oriau hirach ac weithiau ar benwythnosau. Gall meddygon teulu ac ysbytai atgyfeirio at wasanaethau fel Unedau Dibyniaeth Cyffuriau. Mae'r rhain fel arfer mewn ysbytai neu gerllaw ac maen nhw'n arbenigo mewn helpu rhai sy'n defnyddio cyffuriau, yn enwedig pobl sy'n gaeth i gyffuriau fel heroin. Maen nhw'n cynnig cwnsela, dadwenwyno, rhagnodi amnewidion a thriniaethau eraill. Mae gwasanaethau preswyl yn cynnig rhaglenni triniaeth i rai sy'n gaeth iawn i gyffuriau ac sy'n ymdrechu i roi'r gorau iddi. Rhaid iddynt fod yn rhydd o gyffuriau wrth gael eu derbyn fel arfer, sy'n golygu bod yn rhaid iddynt gael eu dadwenwyno cyn mynd i mewn. Fel arfer, mae rhaglenni'n para 3-6 mis, ond mae rhai rhaglenni 12 cam yn para mwy. Mae'r mathau o raglenni yn amrywio. Mae grwpiau hunan gymorth fel Narcotics Anonymous (NA) yn cydlynu grwpiau cefnogi lleol i rai sy'n defnyddio cyffuriau ar hyd a lled y wlad. Mae Families Anonymous yn cynnal grwpiau tebyg i deuluoedd rhai sy'n defnyddio cyffuriau.

Rhieni a pherthnasau eraill

Mae asiantaethau cyffuriau hefyd yn darparu llawer o gyngor a chefnogaeth i rieni pobl sy'n defnyddio'r cyffuriau hyn. Gall llawer o asiantaethau stryd gynnig grwpiau cefnogi neu gwnsela i aelodau teuluoedd, partneriaid ac ati.