Phenazepam

Bonsai Supersleep.
Bonsai
Fenazepam

Enwau Gwyddonol: 7-Bromo-5-(2-chlorophenyl)-1,3-dihydro-2H-1,4-benzodiazepin-2-one.

Enwau Generig: Benzodiazepine/Tawelydd ysgafn

An example of what Phenazepam looks like

Ni allwch bob amser fod yn siŵr mai'r hyn a brynwch yw'r hyn a gewch, ond os ydych am anfon unrhyw sylwedd i ffwrdd i'w brofi, gallwch ei anfon at WEDINOS

Beth mae'n edrych fel?

Yn bennaf ar ffurf tabledi, ond gellir ei gael ar ffurf powdr neu fel hylif mewn poteli diferion.

Effeithiau Phenazepam

Effeithiau A Ddymunir:

Ymlacio, lliniaru tensiwn a phryder

Sgîl Effeithiau:

Syrthni, penysgafnder, diffyg cydlyniad, ffwndrus ac anghofrwydd, igian. Mae adroddiadau'n awgrymu bod Phenazepam oddeutu bum gwaith cryfach na Valium (benzodiazepine cyfarwydd arall).

Risgiau

Tymor Hir:

Goddefiad, dibyniaeth, symptomau rhoi'r gorau difrifol wrth stopio'n sydyn, pyliau o banig, pryder difrifol, confylsiwn.

Tymor Byr:

Gorddos - mae'n bosibl i ddefnyddwyr gymryd dos arall cyn i effeithiau'r dos cyntaf gael effaith, oherwydd nad yw'r effeithiau'n cyrraedd eu huchafbwynt hyd nes bydd 2-3 awr wedi mynd heibio ar ôl cymryd dos drwy'r geg, mae hyn yn cynyddu'r risg o orddos yn arwyddocaol. Mae'r risg hwn yn cynyddu ymhellach os caiff ei gyfuno gyda chyffuriau eraill a/neu alcohol. Mae damweiniau'n fwy o risg tra dan ddylanwad. Gellir eu cam-werthu neu eu camgymryd am benzodioazepinau eraill megis Valium, felly ni fydd defnyddwyr yn gwybod am yr effeithiau cryfach a'r risgiau cysylltiedig.

Sut mae Phenazepam yn gweithio?

Iselydd y system nerfol ganolog pwerus, llonyddwr a gwrth-gonfylsydd. Mae adroddiadau'n awgrymu bod Phenazepam oddeutu bum gwaith cryfach na Valium (benzodiazepine cyfarwydd arall).

Statws Cyfreithiol

Mae Phenazepam yn gyffur Dosbarth C dan y Ddeddf Camddefnyddio Cyffuriau, 1971; gall meddiant olygu hyd at ddwy flynedd o garchar a/neu ddirwy annherfynol. Gall cyflenwi i rywun arall, hyd yn oed eich ffrindiau, olygu 14 mlynedd yn y carchar a/neu ddirwy annherfynol.

Sut mae Phenazepam yn cael ei gymryd?

Drwy'r geg

Offer

Dim.

Defnydd Meddygol

Defnyddir Phenazepam yn Rwsia ar gyfer trin anhwylderau niwrolegol megis epilepsi, symptomau diddyfnu alcohol ac anhunedd. Gellir ei ddefnyddio fel cyn-feddyginiaeth cyn llawdriniaeth fel llonyddydd, mae'n lleihau pryder i achosi cwsg ac mae'n ymlacio'r cyhyrau. Ni ddefnyddir yn feddygol yn y DU.

O Ble Mae'n Dod?

Caiff ei fewnforio neu ei werthu ar y we.

Gwasanaethau Sy'n Helpu

Mae 'asiantaethau stryd' neu brosiectau, (a elwir weithiau yn wasanaethau cyffuriau cymunedol neu dimau cyffuriau cymunedol) ar gael yn y rhan fwyaf o ardaloedd y DU, sy'n cynnig ystod o wasanaethau yn cynnwys gwybodaeth a chyngor, cwnsela, cyfnewid nodwyddau ac weithiau grwpiau cefnogi a therapïau cyflenwol fel aciwbigo. Mae rhai asiantaethau'n cynnig cwnsela arbenigol, therapi ymddygiad gwybyddol, aciwbigo a therapïau amgen eraill a rhagnodi gwrthiselydd a chyfeiriadau posibl at adsefydlu preswyl. Mae gan rai gwasanaethau oriau gwaith estynedig ac mae rhai'n cynnig cefnogaeth ar benwythnosau. Gall meddygon teulu ac o bosibl yr adran achosion brys yn yr ysbyty lleol atgyfeirio i wasanaethau arbenigol cyffuriau yn ogystal â gwasanaethau meddygol cyffredinol, gwybodaeth a chyngor, yn aml mewn partneriaeth ag asiantaeth cyffuriau neu Uned Dibyniaeth ar Gyffuriau.

Rhieni a pherthnasau eraill

Mae asiantaethau cyffuriau hefyd yn darparu llawer o gyngor a chefnogaeth i rieni pobl sy'n defnyddio'r cyffuriau hyn. Gall llawer o asiantaethau stryd gynnig grwpiau cefnogi neu gwnsela i aelodau teuluoedd, partneriaid ac ati.