Steroidau
steroids- Roids
- Steroidau Anabolig
- Sustanon 250
- Stanozolol
- Dianabol
- Deca-Durabolin
- Anavar
- AAS
- Anabolic-Androgenic Steroids
Enwau Gwyddonol: Steroidau Anabolig - Androgenig (AAS)
Enwau Generig: Enwau cynnyrch yn cynnwys: Anavar, Deca-Durabolin, Dianabol, Stanozolol, Sustanon 250.
Ni allwch bob amser fod yn siŵr mai'r hyn a brynwch yw'r hyn a gewch, ond os ydych am anfon unrhyw
sylwedd i ffwrdd i'w brofi, gallwch ei anfon at WEDINOS
Tabledi a hylif chwistrellu mewn poteli neu ffiolau.
Effeithiau A Ddymunir:
Cyhyrau mwy a pherfformiad, gwell diffiniad corfforol.Sgîl Effeithiau:
I ddynion, methu cael codiad, anffrwythlonedd/anallu, ceilliau'n lleihau a chaledu, bronnau mwy. I ferched, clitoris chwyddedig, amharu ar y cylch mislif, blew ar yr wyneb, acne, llais yn dyfnhau. Os caiff ei ddefnyddio yn ystod beichiogrwydd, perygl o niwed difrifol i'r ffetws.- Gall steroidau fod yn wenwynig i'ch afu. Os byddwch chi'n sylwi ar eich llygaid yn mynd yn felyn (clefyd melyn) gall nodi problem ddifrifol gyda'r afu. Gofynnwch am gyngor meddygol ar unwaith.
- Os ydych yn chwistrellu steroidau, sicrhewch fod nodwyddau'n lân ac nad ydyn nhw wedi'u defnyddio; gallwch gael nodwyddau glân a gwybodaeth chwistrellu fwy diogel gan asiantaeth cyfnewid nodwyddau neu gyffuriau.
- Mae steroidau chwistrelladwy bob amser yn cael eu chwistrellu i'r cyhyrau; nid oes steroid anabolig wedi'i ddylunio i'w ddefnyddio yn syth i'r gwaed.
- Cyn defnyddio steroidau, ceisiwch gyngor gan weithiwr cyffuriau. Gallant roi cyngor chwistrellu mwy diogel i chi a'ch cyfeirio at wybodaeth am steroidau.
- Bydd cymryd steroidau drwy'r geg yn lleihau'r risgiau a'r problemau gyda chwistrellu. Fodd bynnag, gall cymryd steroidau drwy'r geg wneud mwy o niwed i'ch afu a gallai fod yn fwy gwenwynig i'ch arennau.
- Fe'ch cynghorir i roi'r gorau i ddefnyddio steroidau yn raddol. Gostyngwch y dosau'n raddol bob amser, peidiwch â stopio'n sydyn.
Tymor Hir:
Dibyniaeth, goddefiad, niwed i'r iau, clefyd y galon, paranoia, cynnydd mewn ymosodedd a elwir weithiau'n 'roid rage'. Newidiadau niweidiol mewn colesterol, acne, pwysedd gwaed uchel a newidiadau peryglus i strwythur y galon. Os caiff ei gymryd gan bobl ifanc, gall camddefnyddio steroidau anabolig amharu ar dyfiant normal. Os caiff hwn neu gyffur arall ei chwistrellu, mae risgiau'n gysylltiedig â defnyddio'r ffurf hwn o gyffur: gall achosi niwed i'r gwythiennau, wlserau a madredd, yn enwedig os defnyddir nodwyddau anlanwaith neu'r un lleoliad chwistrellu. Gall rhannu nodwyddau a chyfarpar chwistrellu eraill wasgaru heintiau firws HIV a hepatitis.Tymor Byr:
Symptomau seiciatryddol gan gynnwys ymosodedd a thrais, gorffwylledd, hwyliau oriog.
Mae'n cynyddu adeiladu celloedd protein sy'n arwain at adeiladu meinwe cellog, yn enwedig yn y cyhyrau. Mae gan steroidau anabolig sawl priodoledd sy'n cynnwys datblygiad a chynnal nodweddion dynol, megis tyfiant tannau'r llais a blew corfforol.
Dosbarth C, dan y Ddeddf Camddefnyddio Cyffuriau - cyfreithlon i fod yn ei feddiant, anghyfreithlon i'w gyflenwi heb bresgripsiwn.
Drwy'r geg, chwistrelliad mewngyhyrol. Ni ddylid chwistrellu steroidau i'r wythïen byth
Chwistrellu - nodwyddau a chwistrelli
Gellir rhagnodi'r cyffuriau hyn yn gyfreithlon i drin cyflyrau sy'n deillio o ddiffyg hormonau steroid, megis glaslencyndod gohiriedig, ond hefyd y corff yn gwywo ymysg cleifion AIDS a chlefydau eraill sy'n arwain at golli mas cyhyr tenau, megis anaemia; hefyd clefydau'r esgyrn, canser y fron a therapi hormonau.
Mae steroidau anabolig - androgenig (AAs) yn hormonau steroid a gynhyrchir sy'n perthyn i'r hormon testosteron. Mae anabolig yn cyfeirio at adeiladu cyhyrau ac mae androgenig yn cyfeirio at nodweddion rhywiol gwrywaidd cryfach. Mae steroidau'n cyfeirio at y dosbarth cyffuriau. Dargyfeiriwyd o'r diwydiant fferyllol neu eu mewnforio i Brydain.
Mae 'asiantaethau stryd' neu brosiectau, (a elwir weithiau yn wasanaethau cyffuriau cymunedol neu dimau cyffuriau cymunedol) ar gael yn y rhan fwyaf o ardaloedd y DU, sy'n cynnig ystod o wasanaethau yn cynnwys gwybodaeth a chyngor, cwnsela, ac weithiau grwpiau cefnogi a therapïau cyflenwol fel aciwbigo. Mae gan rai gwasanaethau oriau gwaith estynedig ac mae rhai'n cynnig cefnogaeth ar benwythnosau. Os yw defnyddio'r sylwedd hwn yn dod yn broblem, gellwch chwilio am gymorth, cyngor a chwnsela gan wasanaeth yn eich ardal. Gall meddygon teulu wneud atgyfeiriadau i wasanaethau arbenigol cyffuriau. I'r rhai sy'n dioddef â phroblemau seicolegol oherwydd defnyddio steroidau, gall asiantaethau cwnsela fod yn briodol.
Rhieni a pherthnasau eraill
Mae asiantaethau cyffuriau hefyd yn darparu llawer o gyngor a chefnogaeth i rieni pobl sy'n defnyddio'r cyffuriau hyn. Gall llawer o asiantaethau stryd gynnig grwpiau cefnogi neu gwnsela i aelodau teuluoedd, partneriaid ac ati.
