Xylazine, medetomidine and detomidine

Effeithiau A Ddymunir:

Sgîl Effeithiau:

• tawelu dwys
• llewygu’n sydyn
• bod yn anymwybodol (ddim yn deffro pan gaiff ei ysgwyd)
• bod yn gysglyd
• dryswch
• colli’r cof a llewygu
• cur pen
• chwydu
• llai o gydsymudedd
• cyfradd curiad y galon yn is
• diffyg ymateb
• lleferydd aneglur
• y golwg yn aneglur
• lefel siwgr yn y gwaed yn uchel

• Gan eu bod bron bob amser yn cael eu defnyddio i lygru cyffuriau eraill, dylech bob amser brofi unrhyw gyflenwad newydd o gyffuriau. Mae stribedi prawf ar gyfer xylazine a medetomidine ar gael i’w prynu ar-lein neu gellir eu cael am ddim gan eich gwasanaeth cyffuriau lleol.
• Gall xylazine and medetomidine achosi tawelu dwys a hirfaith: os na ellir deffro ffrind, rhowch ef yn y safle adfer a ffoniwch am ambiwlans; oes yw’n cael trafferth anadlu neu wedi stopio anadlu (os yw’n welw iawn a’i wefusau’n las), gwnewch yn siŵr for ei lwybr anadlu’n glir a defnyddiwch ddulliau achub os ydych chi’n gwybod sut i wneud hynny.
• Mae nalocson yn wrthwenwyn ar gyfer gorddos opioid. Nid yw’n gweithio ar xylazine na medetomidine ond dylid ei ddefnyddio o hyd gan y gallai’r person fod wedi cymryd cyffur opioid fel heroin, methadon neu ocsycodon hefyd.

Tymor Hir:

• Ychydig o wybodaeth sydd ar gael ynglŷn â defnydd hirdymor mewn pobl.
• Gwelwyd bod cysylltiad rhwng clwyfau a necrosis y meinwe (croen yn marw) â xylazine (yn bennaf pan gaiff ei chwistrellu), ond nid yw necrosis meinwe wedi’i gysylltu â medetomidine hyd yma.

Tymor Byr:

• Mae gwenwyno o ganlyniad i medetomidine a xylazine yn cynnwys tawelu dwys, cyfradd curiad y galon sy’n beryglus o isel (bradycardia), pwysedd gwaed isel a lleihad yng ngallu’r system nerfol ganolog. Yn aml, mae gwenwyno o ganlyniad i medetomidine yn fwy difrifol ac yn para’n hirach na gwenwyno o ganlyniad i xylasine oherwydd ei fod yn gryfach.
• Gall y cyfuniad o opioid and xylazine a/neu medetomidine ostwng cyfradd anadlu, cyfradd curiad y galon a phwysedd gwaed nes eu bod yn beryglus o isel.
• Mae’n gyffredin defnyddio heroin ac opioidau stryd eraill gydag iselyddion fel diazepam a gabapentin. Os oes medetomidine a/neu xylazine hefyd yn y gymysgedd, mae cynnydd sylweddol yn y risg o orddos sy’n peryglu bywyd.
• Er nad yw xylazine a medetomidine ar eu pen eu hunain yn achosi’r iselder anadlol difrifol sy’n gysylltiedig â meddwdod opioid, gall yr iselder dwys yn y statws meddyliol achosi perygl i’r llwybr anadlu a all arwain at fygu.
• Gall dosau uchel o xylazine a medetomidine, neu eu cyfuno ag iselyddion eraill, achosi amnesia, colli teimlad corfforol, tawelu dwys, a/neu golli ymwybyddiaeth gan eich gadael yn agored i niwed ac â risg o gael damwain neu fod yn destun lladrad neu ymosodiad rhywiol.

• Mae xylazine, medetomidine a detomidine yn dawelyddion nad ydynt yn opioidau sy’n cael eu defnyddio ar gyfer anifeiliaid mawr ym maes milfeddygaeth fel tawelyddion, cyffuriau ymlacio’r cyhyrau a lleddfu poen.
• Mae medetomidine, detomidine a xylazine yn gyffuriau tebyg, ond mae medetomidine yn gryfach na detomidine, a 100 i 200 yn gryfach ac yn para’n hirach na xylazine.
• Mae xylazine a medetomidine yn gyffredin iawn mewn opioidau synthetig stryd mewn rhannau o Ogledd America lle gelwir y gymysgedd yn ‘tranq’ neu ‘tranq dope’.
• Yn anaml y bydd pobl yn y DU yn defnyddio, xylazine a medetomidine am eu heffaith ond yn y blynyddoedd diweddar, maen nhw wedi eu canfod yn llygru nifer o gyffuriau stryd gan gynnwys heroin, opioidau synthetig, codin, cannabinoidau synthetig a chetamin.